Realizimi i videos u krye nga vetë vullnetarët e qendrës, duke u bazuar në përvojat vetjake dhe situatave të përjetuara nga ata vetë. Fuqizimin e të rinjve për të mos u bërë pre e bullizmit si edhe për të mos u bërë bullizues.
Fushatë sensibilizuese për personat me spektrin autik. Koncert “live” nga këngëtarja Elizabeta Janaqi (vullnetare në qendrën AMAD) në Babrru; shpërndarje materialesh ndërgjegjësuese për spektrin autik në sheshin “Skënderbej”; mbledhje fondesh nga vullnetarët dhe dhurimi i tyre te dy familje me fëmijë që janë me spektrin autik.
Manifestim sensibilizues mbi femrat. U realizua te Pazari i Ri në Tiranë.
Takime ndërgjegjësuese dhe bashkëbiseduese me nxënës në shkolla 9-vjeçare (“Skënder Çaçi” & “Misto Mame”). Bashkëpunim me zv.ministrja e Drejtësisë në atë periudhë, Teuta Vodo.
Organizimi i një feste me ëmbëlsira me fëmijët e komunitetit rom dhe banorë në rruga “Besa”, Njësia Administrative Nr. 8. Aktivitet argëtues, integrues dhe mosdiskriminues për fëmijët e komunitetit miks të kësaj zone.
AMAD organizoi dhe mbajti 10 tryezat e diskutimit në 10 njësi administrative urbane të Tiranës. Morën pjesë përfaqësues nga 4 ministri, Bashkia e Tiranës, komuniteti dhe grupet e interesit, si dhe disa organizata të shoqërisë civile.
Sensibilizim për dhurim gjaku, duke iu përgjigjur fushatës së Aleancës për Dhurimin e Gjakut. U ofruan 11 persona për dhurimin e gjakut për fëmijët talasemikë.
