Postime

Rrugëtimi i zbatimit të projektit “FuqiZona: Rritje kapacitetesh rinore” në Rrogozhinë

/në /nga

Objektivi i përgjithshëm i këtij projekti ishte të rrisi kapacitetet rinore me aftësi digjitale dhe orientim më të mirë në karrierë në Bashkinë e Rrogozhinës.

  • Të fuqizojë kapacitetet e punonjësve rinorë në Bashkinë e Rrogozhinës
  • Të rrisë ndërgjegjësimin dhe informacionin e të rinjve mbi digjitalizimin dhe karrierë
  • Të përforcojë aftësitë e të rinjve (digjitale lidhur me shërbimet e digjitalizuara, design dhe programim; aftësitë komunikuese, lidership, mendim kritik, hulumtim etj.), duke kontribuar në shtimin e mirëqenies aktive, të shëndetshme, sociale, kulturore dhe mendore e të rinjve.

Nga ky projekt arritëm këto rezultate:

– të trajnonim 9 punonjës rinorë;

– 150 të rinj të informuar mbi qasjen e rritjeve të kapaciteteve në karrierë dhe zhvillimi i aftësive digjitale dhe profesionale; 15 të rinj të trajnuar mbi zhvillimin e karrierës dhe aftësitë digjitale (design, programim, content creator etj.), si edhe aftësive të buta, advokim dhe shkrim projekti;

– 1 website rinor i përgatitur nga të rinjtë e trajnuar dhe mentoruar në aftësim shkathtësish digjitale;

– 1 projektpropozim për të rinjtë i paraqitur në Bashki dhe hartuar nga vetë të rinjtë, për një qasje të qeverisjes vendore në fuqizimin e të rinjve;

– 1 raport vlerësimi aftësimi “base line” me target përfituesit direkt: 5 punonjësit rinorë dhe 20 të rinjtë e fuqizuar;

– 3 të rinj me kapacitete të rritura do jenë gati për t’u bërë mentorë të rinjsh në ekipin e Bashkisë edhe pas përfundimit të këtij projekti.

Raport vlerësimi

/në , /nga

Evidentimi i nevojave të të rinjë në një komunitet urban, suburban apo rural, kërkon pikë së pari njohja e objektivave dhe dëshirave të grupit të targetuar. Pikërisht për këtë arsye ky raport studimi vendos në zbatim një metodologji të përshtatur kërkimi në bazë të specifikave të orientuara nga grupi synuar për kampionim.

Nga analiza e gjetjeve të studimit parësor u evidentuan fushat me interes aktivizimi rinor, si edhe problematika që përbëjnë barriera për këta të rinj. Kështu,  ky raport studimi nxori në pah se interesi i të rinjve për të qenë aktivë në komunitet është i lartë. Ndër fushat më me interes në aktivizmin rinor ishin sportet, arti dhe letërsia, ndërkohë ato me më pak interes ishin aktivitete vullnetare të pastrimit të rrugëve në hapësirat e përbashkëta. Ndërkohë, për sa i përket barrierave me të cilat përballeshin të rinj, të cilat mesa u evidentua ishin relativisht të konsiderueshme, kryesuan përballjen me  mentalitetin dhe stereotipet, sidomos në raport me çështjet gjinore.

Ky raport solli edhe rekomandimet përkatëse për mundësi ndërhyrjeje dhe përmirësimin e situatës problemore,  duke nxitur më tej rritjen e kapaciteteve rinore, fuqizimin e të rinjve dhe aftësimin e tyre me potencial të rritur në punësim dhe mirëqenie socio-financiare, si edhe të inteligjencës sociale.

 

*Ky raport vlerësimi u përpilua nga eksperti i kontraktuar nga AMAD si pjesë  e projektit “Fuqizona: Rritje kapacitetesh rinore”, mbështetur nga Agjencia Kombëtare e Rinisë (AKR) dhe Ministri i Shtetit për Rininë dhe Fëmijët

 

Raporti_rritje kapacitetesh_Baseline

Trajnim në aftësi digjitale dhe të buta

/në /nga
Momente nga trajnimi mbi aftësi të buta dhe aftësi digjitale, ku përmes qasjes së edukimit joformal 23 të rinj përfituan më tepër njohuri dhe shkathtësi.
Interaktiviteti i grupit dhe përcjellja e njohurive pati në fokus:
🔹 marrjen e njohurive bazë në desing, brandim identiteti vizual, krijim kontenti dhe website
🔹 zhvillimin e mendimit kritik përmes ushtrimeve
🔹 të folurin në publik si aftësim në komunikim
🔹 nxitjen e kreativitetit
🔹 edukimi i punës me objektiva

 

www.facebook.com/amad.center/videos/732568655291175

#akr #MSHRF
#agjenciakombëtareerinisë #ministriishtetitperrininëdhefëmijët #thirrjaIIpërrininë
#riniapërrininë.

 

 

Tryezë diskutimi Rinia dhe Integrimi në BE

/në /nga

Takimi i punonjësve dhe aktivistëve rinorë të AMAD-it me anëtaren e Këshillit Bashkiak të Tiranës Klodiana Beshku, profesoreshë e Shkencave Politike, e cila ligjëron Gjeopolitikën dhe Teoritë e Marrëdhënieve Ndërkombëtare. Diskutimet u fokusuan në fuqizimin e të rinjve, karrierën, diskriminimin, integrimin në BE dhe rrugën e Shqipërisë drejt anëtarësimit në BE, lirinë e lëvizjeve në tregun e brendshëm dhe mundësitë për të rinjtë, strategjitë kombëtare dhe lokale për punësimin e të rinjve në Shqipëri, etj.

Youth Tea Talk and EU” (Bisedë çaji Rinia dhe BE-ja) ishte aktiviteti ynë që mblodhi bashkë punonjës rinorë dhe të rinj për të diskutuar mbi:
🔹 Fuqizimin e të rinjve
🔹 Orientimin e karrierës
🔹 Tregun e punës në Shqipëri
🔹 Strategjinë Kombëtare të Rinisë dhe ato vendore
🔹 Integrimin e Shqipërisë në BE
🔹 Politikat e BE-së për fuqizimin e të rinjve
🔹 Trendi i migrimit të brendshëm dhe të jashtëm (në vendet e BE-së) – tundimet,
mundësitë dhe sfidat

Në panel diskutimi AMAD solli anëtaren e Këshillit Bashkiak të Tiranës dhe profesoreshën e profilit të Gjeopolitikës, znj. Klodiana Beshku.

Ky aktivitet u zhvillua në kuadër të programit “FuqiZona” të @amad_center në jetësim të aktivizmit të promovuar nga projektet “Colors of humanity”, bashkëfinancuar nga BE-ja dhe “Rritja e kapaciteteve rinore” mbështetur nga Ministri i Shtetit për Rininë dhe Fëmijët dhe Agjencia Kombëtare e Rinisë

🔛🔜Aktivitete të tilla do zhvillohen përgjatë muajit maj (si Muaji e Evropës) dhe në vijimësi.

 

Aftësi digjitale_Modul trajnimi

/në , /nga

Kur flasim për aftësi digjitale në vështrim të parë duket sikur i referohet thjesht një zotësie të përfituar prej një fushe të caktuar studimi sikurse është teknologjia e informacionit dhe komunikimit. Ndërkohë realiteti fizik dhe ai virtual në epokën e revolucionit digjital tregon se nevoja për aftësim digjital shpërfaqet si një domosdoshmëri në shkallë të ndryshme tek çdo kategori sociale, moshore, ekonomike etj.

Përditshmëria përball gjithkënd me domosdoshmërinë e ndërveprimit digjital si për shkak të nevojës për komunikim ndërnjerëzor, kryerjen e punë dhe detyrave funksionale apo mësimore, marrjen e informacionit mediatik mbi zhvillimet e aktualitetit etj. Teknologjitë digjitale janë zhvilluar me shpejtësi në dekadat e fundit, duke ndryshuar mënyrën se si ne aksesojmë informacionin, si dhe në ndërveprimin njerëzor. Megjithatë, ato kanë transformuar gjithashtu tregun e punës, duke ndikuar në ekonominë dhe shoqërinë globale.

Shkenca kompjuterike është një disiplinë e gjerë që kërkon zotërim të gjuhëve të ndryshme programimi dhe ekzekutimin e tyre për të ofruar funksionalitetin e dëshiruar digjital në fusha të ndryshme që janë vazhdimisht në zhvillim.

Gjuhët specifike të programimit dhe algoritmet e projektimit kërkojnë aftësi të ndryshme, të tilla si aftësia për të zhvilluar mjete digjitale për industri të ndryshme; për të zhvilluar harduerë dhe softuer për të ekzekutuar protokollet e internetit, arkitekturat cloud, faqet e internetit dhe aplikacionet celulare; ose për të drejtuar sistemet automatike të navigimit të makinave vetëdrejtuese ose rrjetet e sensorëve të fermave. Gjithashtu, të kërkuara janë edhe aftësitë e kërkuara për të zhvilluar algoritme matematikore që formojnë vendimmarrjen në industri të ndryshme ose për të ndërtuar dhe konfiguruar robotë dhe ndërfaqe të tjera njeri-makinë.

Në këtë perspektivë paraqitet edhe qasja e fuqizimit rinor përmes rritjes së kapaciteteve në aftësi digjitale, në mënyrë që të nxiten në zhvillimin e potencialit të tyre dhe akeses më pozitiv drejt tregut të punës. Çka shkon në përputhje edhe me Strategjinë Kombëtare të Rinisë 2022-2029.

 

Modul trajnimi_Aftësi Digjitale

Aftësi të buta_Modul trajnimi

/në , /nga

Aftësitë e buta janë thelbësore në arenën profesionale si dhe në jetën e përditshme të një personi, duke qenë se njeriu është një krijesë shoqërore, që jeton dhe vepron në komunitet, si edhe në komunikim të vijueshëm me të tjerë. Kjo është arsyeja pse njerëzit janë mësuar të jetojnë në grupe ose tufa që nga koha e evolucionit. Është e qartë se aftësitë e buta kanë qenë të rëndësishme dhe do të vazhdojnë të jenë të rëndësishme për të gjithë njerëzit në çdo kohë, edhe tanimë në epokën e digjitalizimit.

Ky modul ka për qëllim të parashtrojë dhe trajtojë aftësitë thelbësore të buta, si edhe t’u vijë në ndihmë aktiviteteve trajnuese të kësaj tematike, për t’i praktikuar ato duke përdorur aktivitete të ndryshme.

Zhvillimi i teknologjisë dhe ndryshimi i sjelljeve sociale në komunikim, kohezion social dhe ndërveprim me të tjerë ka sjellë nevojën e stërvitjes dhe riformësimit të qasjes në ushtrimin e aftësive të buta. Mjedisi dhe modelet e sjelljes indikojnë një nivel jo të fortë të aftësive të buta, veçanërisht kur ndodhen para nevojës për punë/punësim, ku gjithmonë i pret puna në grup, pasi pothuajse të gjitha arritjet në vendin e punës janë rezultat i punës në grup.

Modul trajnimi_Aftësi të Buta

COL-Colors of Humanity

/në /nga

Projekti “Colors of Humanity” (COL) është një aksion ndërkombëtar që do të zbatohet nga një konsorcium organizatash në katër shtete: Shqipëri, Austri, Bullgari dhe Kosovë. AMAD ka rolin e organizatës drejtuese/koordinator në këtë konsorcium. Projekti është bashkëfinancuar nga BE-ja në kuadër të Programit Erasmus+: Ngritja e Kapaciteteve në fushën e Rinisë.

Projekti “Ngjyrat e Njerëzores” (Colors of Humanity) promovon promovon vlerat e përbashkëta evropiane drejt zhvillimit social në kuadrin e të drejtave të njeriut, kundër diskriminiminit dhe gjuhës së urrejtjes, me fokus të veçantë në çështjet gjinore dhe mundësive të barabarta.

Aktivitetet e COL do të fokusohen në:

  • Fuqizimin e kompetencave të punonjësve rinorë në promovimin e vlerave të BE-së për mosdiskriminimin, tolerancën dhe shoqëritë gjithëpërfshirëse;
  • Mbështetjen dhe ngritjen e kapaciteteve advokuese;
  • Nxitjen e përfshirjes së disa grupeve të interesit në aktivitetet kundër diskriminimit dhe ndërgjegjësimit gjinor;
  • Rritjen e ndërgjegjësimit dhe avokimit kundër gjuhës së urrejtjes.

Ky projekt do të zbatohet për një periudhë 2-vjeçare, duke filluar nga 1 janari 2023 dhe duke përfunduar më 31 dhjetor 2024.

Na ndiqni dhe bëhuni pjesë e rrjetit tonë aktivistësh në AMAD për më shumë mundësi.

Muzika për mirëqenie të shëndetit fizik dhe mendor

/në /nga

Në studion e “Herët në MCN” me gazetaren Etelina Nikolla, drejtoresha ekzekutive e AMAD, Voltiza Prendi, u shfaq me bashkëpunëtorët: Orjola Idrizi, drejtoreshë e Institutit të Nxënësve që nuk Dëgjojnë,; Pëllumb Legisi, mësues dhe terapeut muzike; nxënësit Emanuela Gjini dhe Algend Gjici.

Read more

“Feel the Beat”, projekti që mundëson ndijimin e muzikës për të rinjtë që nuk dëgjojnë

/në /nga

Ka nisur këto ditë në Tiranë projekti më i veçantë dedikuar personave që nuk dëgjojnë. Për të rinjtë që nuk dëgjojnë, ashtu si të rinjtë që dëgjojnë, pjesëmarrja në aktivitete muzikore ndikon në përmirësimin e shëndetit mendor të tyre. “Muzika është gjuha universale e njerëzimit”, thotë një thënie dhe sipas H. K. Andersen “aty ku fjalët dështojnë, muzika flet”. Read more

Reagimi ndaj gjuhës së urrejtjes, përmirësimi i shëndetit mendor të adoleshentëve

/në /nga

AMAD përfundoi projektin për luftën kundër gjuhës së urrejtjes që mblodhi së bashku aktorë të ndryshëm. Nëpërmjet aktiviteteve të këtij projekti 83 adoleshentë të moshës 14-18 vjeç u përfshinë përmes eseve duke ndarë eksperiencën e tyre në përjetimin e gjuhës së urrejtjes. Qindra të tjerë u përfshinë në sondazhin kombëtar për gjuhën e urrejtjes, si dhe në fokus grupet e diskutimeve.
Read more

Events

Asgjë nuk u gjet

Sorry, no posts matched your criteria