Rritja e kapaciteteve rinore në aftësi të buta dhe digjitale

/në , /nga

Ky projekt i përgjigjet si nevojës së të rinjve për motivim në gjetjen e vetes si pjesë e rëndësishme e komunitetit falë punës që kryen, ashtu edhe nevojës në përmirësim kapacitetesh të punonjësve rinorë, të cilët duhet të jenë të përgatitur profesionalisht në trajtimin e të rinjve, këshillimit në karrierë dhe asistimit të nevojës së tyre në zhvillim aftësish digjitale dhe aftësish të buta.

Nëpërmjet këtij projekti AMAD synon të nxisë edukimin e të rinjve, veçanërisht të rinjve me mundësi të pakta për shkak të faktorit socio-ekonomik, me një qasje fokusuar në aftësitë digjitale dhe zhvillimin e aftësive të buta, ndërveprimin me të rinjtë të tjerë dhe më e rëndësishmja edukimin qytetar dhe përfshirjen aktive. Rezultat, i cili është risi e sjellë nga ky projekt, është përgatitja dhe funksionimi i një website-i i projektuar dhe ndërtuar si një Qendër Rinore Virtuale. Falë rritjes së kapaciteteve rinore në: design, programim, paketa Mikrosoft, content creator etj., si edhe ato për aftësim shkathtësish të buta, të tilla si: komunikimi, mendim kritik etj.

Një risi tjetër që sjellin aktivitetet me të rinjtë e fuqizuar në këtë projekt është hartimi i një projektpropozimi nga vetë të rinjtë mbi një kauzë në shërbim të fuqizimit rinor, me tematikë specifike të zgjedhur prej vetë të rinjve të fuqizuar profesionalisht në aktivitetet e këtij projekti.

 

Ky projekt do ketë një kohëzgjatje prej 10 muajsh për realizimin e aktiviteteve të planifikuara dhe do të realizohet me mbështetjen e Agjencisë Kombëtare të Rinisë (AKR) dhe Ministrit të Shtetit për Rininë dhe Fëmijët (MSHRF).

 

Dita Ndërkombëtare e të Drejtave të Njeriut 2022 dhe 16 ditët e aktivizmit të fushatës #NukHeshtim

/në /nga

Sot, në Ditën Ndërkombëtare e të Drejtave të Njeriut përmbyllim 16 ditët e aktivizmit kundër dhunës me bazë gjinore. Gjatë këtij viti, 25 nëntor – 10 dhjetor 2022, fushata e aktivizmit u fokusua në përfshirjen përmes foto-mesazheve e përfaqësuesve të ndryshëm të shoqërisë sonë. Përcjellja e mesazheve ndërgjegjësuese kundër dhunës me bazë gjinore solli frymën e aktivizmit gjithëpërfshirës dhe fuqizuese të potencialit njerëzor në shpalosjen e vlerave tona, bazuar në respekt reciprok, tolerancë, mirëkuptim dhe mirësi.

Personat e përfshirë, në 24 foto-mesazhet individuale të publikuara, janë figura aktive në komunitet dhe përfaqësojnë një mori formimesh intelektuale të fushave, interesa dhe grup-mosha të ndryshme, të tilla si: gazetarë, aktivistë, punonjës të administratës, mësimdhënës të cikleve të ndryshme (që nga kopshti deri në universitet), juristë, punonjës rinorë, sociologë, nxënës, studentë, muzikantë, politologë, punonjës të shëndetësisë, promovues të turizmit, staf drejtues të institucioneve arsimore etj. Mesazhet erdhën si nga gra dhe vajza ashtu edhe nga burra e djem, duke përcjellë më fuqishëm mesazhet kundër dhunës me bazë gjinore, jo thjesht kundër dhunës ndaj grave dhe vajzave.

Qysh prej fillimit në 2018, një ndër fushatat e AMAD ka qenë ajo #NukHeshtim, e cila si fjalë kyçe ka patur reagimin ndaj dhunës, në çfarëdo lloj mjedisi, forme apo target-grupi. Forcimi i funksionimit të Mekanizmit Kombëtar të Referimit të dhunës ka qenë synimi thelbësor i aktiviteteve të ndërmarra në vijimësi nga AMAD. Një ndër drejtimet e fokusit të kësaj fushate është edhe dhuna me bazë gjinore.

Shfletoni galerinë e foto-mesazheve më poshtë për të zbuluar më shumë rreth 16 ditëve të aktivizmit nga AMAD, 2022.

Muzika për mirëqenie të shëndetit fizik dhe mendor

/në /nga

Në studion e “Herët në MCN” me gazetaren Etelina Nikolla, drejtoresha ekzekutive e AMAD, Voltiza Prendi, u shfaq me bashkëpunëtorët: Orjola Idrizi, drejtoreshë e Institutit të Nxënësve që nuk Dëgjojnë,; Pëllumb Legisi, mësues dhe terapeut muzike; nxënësit Emanuela Gjini dhe Algend Gjici.

Read more

Fuqizimi i Liderëve të Ardhshëm

/në , /nga

Ky projekt synon të përmirësojë mirëqenien dhe zhvillimin e të rinjve, duke rritur aftësitë e tyre në lidership dhe duke u përfshirë në proceset vendimmarrëse. Nëpërmjet këtij projekti AMAD kontribuon në rritjen e ndërgjegjësimit të të rinjve dhe informacionit në lidhje me qeverisjen vendore dhe procesin e integrimit në BE, si dhe në rritjen e të menduarit kritik dhe aftësive drejtuese të të rinjve.

 

Një sërë aktivitetesh të dedikuara do të fokusohen në kuptimin e funksionimit të administratës vendore (detyrat, struktura dhe mbi të gjitha mekanizmat që sigurojnë përfshirjen e qytetarëve). Pjesa e dytë e këtyre aktiviteteve do të lidhet veçanërisht me historinë dhe vlerat e BE-së, si dhe me procesin e integrimit në BE, (d.m.th. çfarë është? Cilat janë përfitimet e tij? Si mund të kontribuojmë në të?).

 

Duke zhvilluar aftësi të forta lidershipi, pune në grup dhe komunikim, të rinjtë do të mund të drejtojnë projekte rinore, të japin rezultate që kënaqin të gjithë dhe madje të ndikojnë pozitivisht në jetën e tyre personale duke përmirësuar mënyrën se si ndërveprojnë me të tjerët. Ligji nr. 75/2019 “Për Rininë” u miratua në nëntor 2019, duke mundësuar integrimin dhe bashkërendimin e shumë dokumenteve ligjore dhe politike të hartuara më parë. Sipas nenit 7 të këtij ligji, njësitë e qeverisjes vendore janë përgjegjëse për organizimin dhe ofrimin e aktiviteteve për mbështetjen e mirëqenies së të rinjve dhe për krijimin dhe zhvillimin e infrastrukturës rinore. Edhe pse korniza ligjore është duke avancuar, zbatimi faktik ka shumë hapësirë për përmirësim.

 

         

“Feel the Beat”, projekti që mundëson ndijimin e muzikës për të rinjtë që nuk dëgjojnë

/në /nga

Ka nisur këto ditë në Tiranë projekti më i veçantë dedikuar personave që nuk dëgjojnë. Për të rinjtë që nuk dëgjojnë, ashtu si të rinjtë që dëgjojnë, pjesëmarrja në aktivitete muzikore ndikon në përmirësimin e shëndetit mendor të tyre. “Muzika është gjuha universale e njerëzimit”, thotë një thënie dhe sipas H. K. Andersen “aty ku fjalët dështojnë, muzika flet”. Read more

Sot është Ditë Botërore e Shëndetit Mendor

/në /nga
Sot është Ditë Botërore e Shëndetit Mendor 🧩 dhe një ndër fushat e fokusimit të @amad_center ka qenë dhe do të jetë pikërisht shëndeti mendor.
Pas mbylljes së zbatimit të projektit më të fundit (financuar nga BE 🇪🇺 në programin @reporting.diversity2.0 me sub-grantor @albanian_media_institute ) AMAD vijon misionin në trajtimin e kësaj teme përmes projektit të ri nën mbikëqyrjen e @kvinnatillkvinna 🙏dhe praktikat e mira suedeze të udhëhequra nga @polisen

Një intervistë ndryshe, sjellë nga ekipi ynë

/në /nga
Një intervistë ndryshe, sjellë nga ekipi ynë 🙌Ndër ato histori njerëzore që përlot, teksa nëna e një fëmije me aftësi të kufizuar rrëfen barrën, goditjet e pësuara dhe fuqinë e saj titane. 🏆
Këta prindër (në shumicën e rasteve nëna të mbetura vetëm, braktisur nga bashkëshorti pas diagnozës së fëmijës) janë diej ☀️vezullues që ecin të heshtur mes nesh dhe rilindin çdo ditë për fëmijën e tyre. ❤️
🙏 Faleminderit 🎥 @Klajdi Vokopola për filmimin dhe kontributin, si edhe ekipit 🎞@amad_center 🌞për montazhin dhe video editimin e intervistës 🎬

Reagimi ndaj gjuhës së urrejtjes, përmirësimi i shëndetit mendor të adoleshentëve

/në /nga

AMAD përfundoi projektin për luftën kundër gjuhës së urrejtjes që mblodhi së bashku aktorë të ndryshëm. Nëpërmjet aktiviteteve të këtij projekti 83 adoleshentë të moshës 14-18 vjeç u përfshinë përmes eseve duke ndarë eksperiencën e tyre në përjetimin e gjuhës së urrejtjes. Qindra të tjerë u përfshinë në sondazhin kombëtar për gjuhën e urrejtjes, si dhe në fokus grupet e diskutimeve.
Read more