Dita e Mesdheut: Tingujt që lidhin përtej kufijve
28 Nëntor 2024 – Në këtë ditë të veçantë, jemi krenarë të bashkohemi me komunitetet nga i gjithë Mesdheu për të festuar unitetin, diversitetin dhe harmoninë kulturore përmes gjuhës universale të muzikës.
Pjesëmarrja jonë në Ditën e Mesdheut 2024, e organizuar dhe mbështetur nga Fondacioni Anna Lindh, do të përfshijë një performancë muzikore falas në qendrën komunitare “Të qëndrojmë sëbashku”. Ky aktivitet është pjesë e një feste të përbashkët, ku grupe muzikore nga 24 vende të Mesdheut do të performojnë njëkohësisht për të përcjellë një mesazh të përbashkët lidhjeje dhe uniteti.
Një nga aspektet më frymëzuese të kësaj feste është një performancë emocionuese nga fëmijët me aftësi të kufizuara dëgjimore, që thekson vlerat e përfshirjes dhe diversitetit. Muzika e tyre na kujton se komunikimi shkon përtej fjalëve dhe se Mesdheu është një mozaik kulturash të ndërthurura përmes respektit dhe mirëkuptimit të ndërsjellë.
🎵 Detajet e Aktivitetit:
- Data: 28 Nëntor 2024
- Ora: 19:00
- Lokacioni: Qendra komunitare “Të qëndrojmë sëbashku”, Bashkia e Tiranës
- Hyrja: Falas dhe e hapur për të gjithë
Bashkohuni me ne në këtë festë të jashtëzakonshme ndërsa nderojmë shpirtin e Mesdheut dhe lidhjet që na bëjnë unikë si rajon. Sillni miqtë dhe familjen tuaj dhe le të krijojmë kujtime që do të rezonojnë përtej kufijve.
Për më shumë informacion, na kontaktoni në [email protected].
#TingujtQëNaLidhin #DitaEMesdheut #UnitetPërmesMuzikës #FestojmëSëBashku
Shkëmbim Njohurish për Aktivizëm Proaktiv dhe Komunikim Strategjik
Në kuadër të aktiviteteve të fundit të organizuara nga AMAD në Shqipëri, fokusi ka qenë gjithnjë e më shumë tek zhvillimi i aktivizmit aktiv dhe komunikimi efektiv me faktorët kyç të shoqërisë. Një nga aktivitetet kryesore ka qenë shkëmbimi i njohurive me përfaqësuesin e organizatës Al Michaal nga Maroku, i cili u mundësua nga programi ALFinMOTION i Anna Lindh Foundation. Ky shkëmbim u bazua në qasjen “peer-to-peer” dhe “job shadowing”, qëllimi i të cilit ishte ndërtimi i kapaciteteve për aktivizëm dhe rritjen e aftësive për të adresuar sfidat sociale në mënyrë strategjike.
Gjatë këtij aktiviteti u diskutua thellësisht për mënyrat më të mira për të zhvilluar aktivizëm aktiv dhe për të përcjellë mesazhe të fuqishme tek faktorët kryesorë si qeveritë, institucionet arsimore, dhe organizatat ndërkombëtare. Këto diskutime u përqendruan në krijimin e strategjive të reja për përfshirjen e stakeholderëve dhe përmirësimin e komunikimit me ta, duke përfshirë përmirësimin e qasjeve ndërpersonale dhe atyre përmes rrjeteve sociale.
Një nga përvojat më të vlefshme gjatë këtij aktiviteti ishte vizita studimore në Krujë, e cila theksoi rëndësinë e kulturës dhe traditave në ndërtimin e urave bashkëpunuese. Përmes këtij udhëtimi, pjesëmarrësit patën mundësinë të eksplorojnë mënyrat se si mund të ndërtohen mesazhe të forta që lidhin stakeholderët me komunitetet lokale, duke përdorur vlerat e përbashkëta kulturore dhe historike si një bazë për dialog dhe bashkëpunim.
Në këtë kuadër, një moment i rëndësishëm ishte takimi me kreun e rrjetit ALF në Shqipëri, ku u diskutuan mundësitë për të forcuar më tej bashkëpunimin ndërmjet organizatave shqiptare dhe ato ndërkombëtare. Ky takim nënvizoi rëndësinë e përfshirjes së rrjetit ALF në përpjekjet për të ndërtuar ura komunikimi dhe për të zhvilluar projekte me ndikim të gjerë social.
Takimi me përfaqësues të institucioneve të larta, përfshirë Komisionerin për Mbrojtjen nga Diskriminimi, theksoi se si organizatat dhe faktorët institucionalë mund të punojnë së bashku për të ndërtuar një mjedis më të përfshirë dhe për të përmirësuar komunikimin për nisma që mbështesin të drejtat e njeriut dhe aktivizmin qytetar.
Ky aktivitet përforcoi qasjen që aktivizmi nuk duhet të jetë thjesht një zë kundër padrejtësisë, por një lëvizje strategjike që krijon ura komunikimi të forta me ata që kanë fuqinë për të bërë ndryshime të qëndrueshme.
Projekti “Mobility for Knowledge”: Urë Bashkëpunimi Ndërkulturor në Rajonin Euro-Mesdhetar
AMAD është entuzist të njoftojë projektin tonë më të ri “Mobility for Knowledge”, i cili synon promovimin e frymës së bashkëpunimit ndërkulturor. Mbështetur nga Fondacioni Anna Lindh përmes programit ALFinMOTION, AMAD do të mirëpresë një anëtar nga organizata Al-Michaal në Marok nga korriku 2024 deri në nëntor 2024.
Rreth Projektit
Gjatë periudhës pesëmujore, AMAD dhe përfaqësuesi i Al-Michaal do të bashkëpunojnë në nisma që promovojnë dialogun, përfshirjen dhe shkëmbimin kulturor. Duke punuar së bashku ballë për ballë, projekti synon të shfrytëzojë ide të reja dhe ekspertizë për të adresuar sfidat e përbashkëta, duke forcuar njëkohësisht lidhjet midis organizatave të rajonit Euro-Mesdhetar. Përmes qasjes shumëplanëshe të komunikimit (takime në terren me komunitetin, politikëbërës, vendimmarrës, organizata të tjera të shoqërisë civile, me grupe të ndryshme interesi etj.), ky mobilitet solli si produkt të vyer, ndër të tjera, edhe edhe një dokument strategjik komunikimi.
Projekti “Mobility for Knowledge” vjen në kornizën e programit ALFinMOTION—një program mobiliteti që lidh entitete të shoqërisë civile në të gjithë Mesdheun. Duke mundësuar bashkëpunim ballë për ballë, programi frymëzon projekte të përbashkëta, punëtori, trajnime, debate dhe performanca artistike, duke fuqizuar pjesëmarrësit për të krijuar zgjidhje të prekshme për sfidat e përbashkëta.
Një Vizion për të Ardhmen
ALFinMOTION rimodelon bashkëpunimin ndërkulturor duke lidhur praktikues të shoqërisë civile, artistë dhe akademikë nga sfondet më të ndryshme. Pjesëmarrësit përfshihen në një udhëtim transformues të të mësuarit të ndërsjellë, duke nxitur mirëkuptimin, inovacionin dhe partneritetet në rajonin Euro-Mesdhetar. “Mobility for Knowledge” përfaqëson përkushtimin e organizatës AMAD për ndërtimin e urave dhe promovimin e dialogut ndërkulturor. Ky partneritet mes AMAD dhe Al-Michaal nënvizon potencialin e bashkëpunimit për të krijuar iniciativa të qëndrueshme dhe gjithëpërfshirëse që bashkojnë komunitetet dhe adresojnë sfidat rajonale.
Na ndiqni për përditësime mbi këtë udhëtim frymëzues, ndërsa festojmë fuqinë transformuese të bashkëpunimit ndërkulturor!
Dita e Evropës, 2024
Vjenë, Austri – AMAD mori pjesë për të tretin vit radhazi në aktivitetet e organizuara për Ditën e Evropës, e ftuar nga Bashkia e Vjenës dhe organizata e partnere Viego. Koncertet dhe panairi i institucioneve dhe organizatave nga mbarë Evropa synonte të promovojë vlerat e Bashkimit Evropian: unitetin në diversitet dhe solidaritetin. Gjithashtu, panairi i aktiviteteve “Dita e Evropës” zhvillohet me prani të organizatave dhe ambasadave të ndryshme për të promovuar vlerat e përbashkëta kombëtare me ato të BE-së, si në aspektin e të drejtave, lirive, demokracisë, fuqizimit social dhe veçanërisht rinor.
AMAD përfaqësoi shoqërinë civile dhe objektivin e saj në integrimin Evropian përmes fuqizimit rinor
në Shqipëri e Diasporë.
Rrugëtimi i zbatimit të projektit “FuqiZona: Rritje kapacitetesh rinore” në Rrogozhinë
Objektivi i përgjithshëm i këtij projekti ishte të rrisi kapacitetet rinore me aftësi digjitale dhe orientim më të mirë në karrierë në Bashkinë e Rrogozhinës.
- Të fuqizojë kapacitetet e punonjësve rinorë në Bashkinë e Rrogozhinës
- Të rrisë ndërgjegjësimin dhe informacionin e të rinjve mbi digjitalizimin dhe karrierë
- Të përforcojë aftësitë e të rinjve (digjitale lidhur me shërbimet e digjitalizuara, design dhe programim; aftësitë komunikuese, lidership, mendim kritik, hulumtim etj.), duke kontribuar në shtimin e mirëqenies aktive, të shëndetshme, sociale, kulturore dhe mendore e të rinjve.
Nga ky projekt arritëm këto rezultate:
– të trajnonim 9 punonjës rinorë;
– 150 të rinj të informuar mbi qasjen e rritjeve të kapaciteteve në karrierë dhe zhvillimi i aftësive digjitale dhe profesionale; 15 të rinj të trajnuar mbi zhvillimin e karrierës dhe aftësitë digjitale (design, programim, content creator etj.), si edhe aftësive të buta, advokim dhe shkrim projekti;
– 1 website rinor i përgatitur nga të rinjtë e trajnuar dhe mentoruar në aftësim shkathtësish digjitale;
– 1 projektpropozim për të rinjtë i paraqitur në Bashki dhe hartuar nga vetë të rinjtë, për një qasje të qeverisjes vendore në fuqizimin e të rinjve;
– 1 raport vlerësimi aftësimi “base line” me target përfituesit direkt: 5 punonjësit rinorë dhe 20 të rinjtë e fuqizuar;
– 3 të rinj me kapacitete të rritura do jenë gati për t’u bërë mentorë të rinjsh në ekipin e Bashkisë edhe pas përfundimit të këtij projekti.
Klubi i librit për të rritur
Një takim rreth librit u zhvillua në bibliotekën e qytetit të Rrogozhinës me rastin e “Tetorit-Muaji Letërsisë. 
Një shprehje thotë se kur lexon një libër jeta ndryshon sepse libri është një mekanizëm që të bën të udhëtosh në kohë dhe në hapësirë.
Kjo tryezë libri mblodhi disa prej intelektualëve të zonës dhe libradashës. Përpos diskutimeve mbi pasionin për literaturën vendase dhe të huaj, disa prej të pranishmëve shfaqën edhe prirjen e tyre në shkrimin letrar.
Ky takim u përmbyll mes entuziazmit për t’u kthyer në takime periodike.
Organizator eventi: Biblioteka Rrogozhine & Gjenerata Rinore Rrogozhine
Përgatiti: Aktivisti rinor Aleks Xhavara & Qendra AMAD / AMAD Center
Fushatë ndërgjegjësimi shëndetësor – hipertensioni dhe kanceri i gjirit
E nesërmja rrezaton pozitivitet 
kur të rinjtë kujdesen për brezat e mëparshëm; janë aktivë për komunitetin; respektojnë të tjerët dhe promovojnë vlerat e solidaritetit në shoqëri. 
kur të rinjtë kujdesen për brezat e mëparshëm; janë aktivë për komunitetin; respektojnë të tjerët dhe promovojnë vlerat e solidaritetit në shoqëri. 
Në një nismë vullnetare, të rinjtë e fuqizuar përmes trajnimit dhe mentorimit nga AMAD kanë ndërgjegjësuar komunitetin për jetesën e shëndetshme, kujdesin e vijueshëm shëndetësor dhe respektin e përkujdesjes sociale. 
Falënderojmë Qendrën Spitalore të Rrogozhinës me suportin për pak orë me veshjet dhe mjetet që ndihmuan në lehtësimin e aktivitetit.
Mirënjohje dhe vlerësim maksimal për të rinjtë e angazhuar në këtë nismë Endri Demarku, Aleks Xhavara, Kristina Qoshku, Esla Thartori, Zharsido Meka, Lejla Tafxhafa (Marjeta Çurumi) etj. Ky aktivitet u realizua në kornizën e projektit “FuqiZona: Rritje kapacitetesh rinore”, mbështetur nga Agjencia Kombëtare e Rinisë AKR dhe Bora Muzhaqi, Ministër i Shtetit për Rininë dhe Fëmijët.
