Postime

Tryezë diskutimi Rinia dhe Integrimi në BE

/në /nga

Takimi i punonjësve dhe aktivistëve rinorë të AMAD-it me anëtaren e Këshillit Bashkiak të Tiranës Klodiana Beshku, profesoreshë e Shkencave Politike, e cila ligjëron Gjeopolitikën dhe Teoritë e Marrëdhënieve Ndërkombëtare. Diskutimet u fokusuan në fuqizimin e të rinjve, karrierën, diskriminimin, integrimin në BE dhe rrugën e Shqipërisë drejt anëtarësimit në BE, lirinë e lëvizjeve në tregun e brendshëm dhe mundësitë për të rinjtë, strategjitë kombëtare dhe lokale për punësimin e të rinjve në Shqipëri, etj.

Youth Tea Talk and EU” (Bisedë çaji Rinia dhe BE-ja) ishte aktiviteti ynë që mblodhi bashkë punonjës rinorë dhe të rinj për të diskutuar mbi:
🔹 Fuqizimin e të rinjve
🔹 Orientimin e karrierës
🔹 Tregun e punës në Shqipëri
🔹 Strategjinë Kombëtare të Rinisë dhe ato vendore
🔹 Integrimin e Shqipërisë në BE
🔹 Politikat e BE-së për fuqizimin e të rinjve
🔹 Trendi i migrimit të brendshëm dhe të jashtëm (në vendet e BE-së) – tundimet,
mundësitë dhe sfidat

Në panel diskutimi AMAD solli anëtaren e Këshillit Bashkiak të Tiranës dhe profesoreshën e profilit të Gjeopolitikës, znj. Klodiana Beshku.

Ky aktivitet u zhvillua në kuadër të programit “FuqiZona” të @amad_center në jetësim të aktivizmit të promovuar nga projektet “Colors of humanity”, bashkëfinancuar nga BE-ja dhe “Rritja e kapaciteteve rinore” mbështetur nga Ministri i Shtetit për Rininë dhe Fëmijët dhe Agjencia Kombëtare e Rinisë

🔛🔜Aktivitete të tilla do zhvillohen përgjatë muajit maj (si Muaji e Evropës) dhe në vijimësi.

 

Dita e Evropës 2022, Vjena/ Europatag 2022, Wien

/në /nga

Promovimi i vlerave të përbashkëta shqiptare-evropiane dhe përcjellja e parimeve të së drejtës ishte qëllimi i përfaqësimit të Shqipërisë nga AMAD në Ditë e Evropës 2022 në Vjenë, Austri. Përfaqësimi i Shqipërisë në aktivitetet që promovojnë vlerat dhe integrimin në BE është një ndër katër shtyllat e veprimtarisë së AMAD në kontributin ndaj forcimin të demokracisë, transparencës, shtetit të së drejtës, solidaritetit etj. Përpos aktiviteteve të shumta promovuese dhe lobuese, me stendë të dedikuar në aktivitetin me materiale promovuese, të zhvilluara nën titullin “Europatag 2022” (gjerm. Dita e Evropës 2022), AMAD arriti të kryejë edhe një takimi institucional në Ambasadën Shqiptare në Vjenë, së bashku me organizatën partnere Vienna goes Europe me seli në Vjenë. Në takimin me Ambasadorin z. Roland Bimo, drejtuesja e AMAD znj. Voltiza Prendi paraqiti nevojën për bashkëpunim ndërinstitucional me shoqërinë civile në arritjen e objektivave të përbashkëta në interes të komuniteteve.

Diversiteti, infodemia, integrimi dhe politikat e progresit, roli i institucioneve dhe organizatave joqeveritare ishin disa nga çështjet që diskutuam në takimin.

Qendra AMAD së bashku me Vienna goes Europe vijojnë aktivitetet në sajë të partneritetit tashmë të konsoliduar.